Browsed by
Mánuður: október 2013

Lögregluríki?

Lögregluríki?

Þegar ég heyrði af handtöku Ómars í dag, skrifaði ég eftirfarandi athugasemd á DV.

„Afsakið orðbragðið, en hvaða helvítis lögregluríki er þetta fáránlega drullusamfélag orðið? Hvað í fjandanum hefur Ómar gert til að eiga það skilið að vera handtekinn? Þetta er eins og gamla Sovét og sögurnar sem maður er að heyra frá USA. Sleppið honum strax og biðjist afsökunar, ef þið viljið ekki algerlega missa almenningsálitið í skítinn.“

Eiður Guðnason, fyrrverandi ráðherra lét svo hafa þetta efitir sér. „Við búum greinilega ekki í réttaríki heldur lögregluríki.“

Ríkisstjórnin fór illa af stað. Tók ákvarðanir sem féllu í grýttan jarðveg. Virðist hafa lítinn áhuga á að efna stórkostlegu loforðin frá í vor.

Það er staðreynd að íslendingar eru ekki mikil uppreisnarþjóð. Við höfum leyft hinum og þessum að ráðskast með okkur í aldir. Í fljótu bragði, man ég eftir tveimur undartekningum. Vér mótmælum allir Jóns Sigurðssonar og Búsáhaldabyltingin þar sem Hrunstjórnin hrökklaðist frá völdum.

Við höfum sýnt að við getum látið heyra í okkur þegar okkur er misboðið. Ég hef það á tilfinningunni að núverandi stjórnvöld séu að storka örlögunum. Íslenska þjóðin lætur sig hafa allan fjandann, en ef henni er endalaust misboðið, ef heiðarlegt fólk er handtekið með ruddaskap, ef ekkert verður gert til að leiðrétta það sem er að í stjórnsýslunni… þá kann fjandinn að vera laus.

Nýlenda skuldaþræla sem stjórnað er með harðri hendi er ekki landið sem við viljum að Ísland verði. Það er löngu kominn tími á að venjulegt fólk með eðlilegar skoðanir fari að stjórna í þessu landi.

Þessi færsla var upphaflega birt á Moggablogginu og þar er hægt að lesa athugasemdir við hana.

Íslendingana Heim

Íslendingana Heim

Það er gott mál ef Ísland er að ná til sín hátæknifyrirtækjum. Þjóðin er vel menntuð og á að geta verið brautryðjandi í flestu sem henni dettur í hug að taka sér fyrir hendur.

Fólksflótti eftir hrun getur þó sett strik í reikninginn. Fólk sem flytur að heiman virðist yfirleitt vera vel menntað, fólk sem kemst tiltölulega auðveldlega í góð störf í nágrannalöndunum. Þessu fólki þarf að ná til baka.

Ég hjó eftir þessu í fréttinni: „…meðal annars var Alvogen veittur frestur til þriggja ára á greiðslu gatnagerðargjöldum í Reykjavík.“

Væri það ekki hugmynd að gera svipað fyrir íslendinga sem vilja koma heim? Gefa fólki sem átt hefur lögheimili erlendis í fimm ár eða lengur skattaafslátt, fella niður gatnagerðagjöld eða eitthvað svipað fyrstu 1-3 árin?

Málið er nefninlega að þjóðin er verðmætasta auðlind okkar, og ef við látum það óafskipt að best menntaða fólkið fari úr landi og komi ekki aftur, erum við í vanda. Framsækin fyrirtæki með vel menntað fólk innanborðs er sennilega besta tekjulind sem til er.

Svo er það auðvitað bónus að fá fólk heim sem kynnst hefur öðrum samfélögum, því víðsýni hlýtur að vera af hinu góða.

Þessi færsla var upphaflega birt á Moggablogginu og þar er hægt að lesa athugasemdir við hana.

Fyrirmyndarlandið?

Fyrirmyndarlandið?

Hvernig getur þetta staðist? Það er nógu hrikalegt að fá krabbamein, þótt það þýði ekki gjaldþrot í leiðinni. Hvar er mannúðin í þeim sem semja fjárlögin? Hvað mun krabbameinsmeðferð kosta þegar sjúkrahús eru farin að láta eins og hótel?

Er þetta fyrirmyndarlandið? Er þetta Íslandið sem við viljum búa í? Erum við stolt af þessu?

En þetta er allt í lagi, því það er frítt að fara í kirkju. Spurning með að taka up gamla kerfið og biðja bara guð um hjálp ef maður veikist.

Þessi færsla var upphaflega birt á Moggablogginu. Þar er hægt að lesa athugasemdir við hana og finna hlekk á fréttina sem rætt er um.

Framtíð Íslands…

Framtíð Íslands…

„En þeir eru til sem hafa ekki trú á Íslandi, þeir sem ala á sundrung og þeir sem aðhyllast öfgakennda hugmyndafræði og líta á hvern þann vanda sem upp kemur í samfélaginu fyrst og fremst sem tækifæri til að innleiða þær öfgar,“ sagði Sigmundur Davíð.

„Íslandssagan í meira en 1100 ár sýnir að þegar við Íslendingar höfum trú á landinu okkar og okkur sjálfum og þegar okkur auðnast að standa saman en látum ekki sundrung og niðurrifsöfl draga úr okkur þrótt, þá farnast okkur vel.“

Merkileg orð sem forsætisráðherra lét falla. Á meðan girðingar og lögreglumenn halda „skrílnum“ frá þingmönnum, talar hann um niðurrifsöfl og „þá sem ala á sundrung og aðhyllast öfgakennda hugmyndafræði“.

Ég get ekki betur séð en að SDG (innlend skammstöfun) og hans félagar séu þeir einu sem ala á sundrungu og öfgakenndri hugmyndafræði. Við hverju bjóst ríkisstjórnin? Grjótkasti? Mólótov kokkteilum? Í hvernig hugarheimi lifir þetta fólk? Og sé hætta á þessum öfgakenndu ofbeldisverkum, er þá ekki eitthvað að í þjóðfélaginu? Er ekki hugmynd að finna meinið og vinna á því í sátt við kjósendur, fólkið sem kom SDG og félögum á þing?

Sá þessa auglýsingu á MBL. "Eftir að rekstur hefst..." Nákvæmlega. Þá er búið að rústa náttúrunni sem fer undir vatn. Disinfo, DoubleSpeak, eins og þeir segja í útlandinu.
Sá þessa auglýsingu á MBL. „Eftir að rekstur hefst…“ Nákvæmlega. Þá er búið að rústa náttúrunni sem fer undir vatn. Disinfo, DoubleSpeak, eins og þeir segja í útlandinu.

Þjóðin er sundruð. Það er enginn vafi á því. En af hverju? Er það af því stjórnvöld og peningaöflin hafa alið á sundrungu eða er það af því íslendingar eru svo heimsk þjóð?

Við höfum verið mötuð á stóriðjustefnunni í mörg ár. Allt er ál sem glóir. Verksmiðjur eru fyrir alvöru fólk. Jafnvel þegar sýnt er að álvinnsla er í vanda, vilja þeir virkja meira, skemma meira, svo hægt sé að byggja fleiri álver.

Listir og menning er eitthvað sem fólk getur dundað sér við í tómstundum ef það nennir. Útlendingar, þessir leiðinlegu túristar, eru til þess eins að blóðmjólka og senda svo heim. Þeir gefa sama og ekkert af sér hvort eð er.

Nei, stóriðjan er málið. Eitthvað annað er ekkert.

Flugvöllurinn skal fara. Skiptir ekki máli hvort við höfum efni á því að byggja nýjan ákkúrat núna eða ekki.

ESB er útlensk skammstöfun og útlendingarnir skilja okkur hvort eð er ekki.

Svo sér maður þjóðina klofna, rífast, sveitavarginn bölva lattelepjurunum. Þeir gefa okkur bein til að rífast um og við hlýðum eins og barðir hundar.

Við erum ein þjóð í einu landi. Við getum haft það fínt. En aðeins ef við hættum að láta ata okkur saman í einhverjum tilgangslausum hanaslag. Það eru öfl í samfélaginu sem ala á sundrungu því þau vita að ef þjóðin ákveður að standa saman, verður bylting. Ekki með pottum og pönnum, bensínsprengjum og líkamsárásum, heldur bylting hugarfars.

Og bylting hugarfars, að þjóðin klifri upp úr skotgröfunum og sættist, er það eina sem „þau“ eru hrædd við.

Þessi færsla var upphaflega birt á Moggablogginu. Þar er hægt að lesa athugasemdir við hana og finna hlekk á fréttina sem rætt er um.

Leiðin til Fasisma?

Leiðin til Fasisma?

Sterk fyrirsögn, en stundum velti ég fyrir mér hvert við erum að fara.

Hvernig væri að laga það sem að er í þjóðfélaginu, frekar en að þýpka gjáina milli þings og þjóðar enn frekar?

 

Athugasemdir

Villi Asgeirsson 2.10.2013 kl. 20:20
Mikið vildi ég óska að þú værir að bulla, Bjarne. En þetta er bara ekkert öðruvísi. Íslendingar virðast hafa voðalega takmarkaðan áhuga á framvindu mála í landinu sínu. Við köllum landið Lýðveldið Ísland. Kína, Sovétríkin og önnur alræðisríki voru kennd við alþýðuna, sem ekkert mátti segja eða gera nema það þóknaðist elítunni.

Bjarne Örn Hansen 2.10.2013 kl. 11:24
Hvað er lýðræði, þetta orð er svo ofnotað að það er eins og skítug skúringamoppa.

Það er ekki nóg að segja að lýðræði, sé að kjósa alþingismenn.  Hér á árum áður, þegar  Jón sýslumaður vildi þvinga sína meiningu á  Björn á Löngumýri, þá stóðu menn up og saman og neituðu sýslumanni aðgang.

ÞETTA ER LÝÐRÆÐI

Ef lögreglan öskrar á almenning „gas“ „gas“, þá er slíkur lögreglumaður sekur um glæp í lýðræðisríki.  Því hann er ráðast á þá, sem hann á að þjóna … fólkinu.

En það sem mestu máli skiptir, að það finnst ekkert lýðræði … nema fólkið sjálft, sé almennt lýðræðis sinnað.

Í dag, finnst meira lýðræði í Kommúnistaríkinu Kína, en á Íslandi.  Vegna þess í Kína, sérðu almenning rísa gegn yfirboðurum sínum.  Gegn lögreglu, og jafnvel leggja líf sitt í hættu með að standa fyrir framan skriðdreka og meina honum leið sína.

ÞETTA ER LÝÐRÆÐI

Að vera eins og feigur hundur út í horni, er ekki fólk sem nokkurn tíma getur skapað með sér lýðræði.  Tíu hundar, sem draga hundasleða … eru ekki kjarni lýðræðisríkis.

Og þangað til, að Íslendingar sjálfir eru tilbúnir að standa fyrir sínu og taka höndum þennan ofstoba sem öskrar „gas“ „gas“ á fólkið.  Þá er enginn grundvöllur, fyrir lýðræði á Íslandi.

Íslendingar almennt, eru bara hundar sem eru hræddir við að verða barðir af hundeigandanum.

Villi Asgeirsson 2.10.2013 kl. 08:00
Mikið rétt, Guðmundur.

Guðjón, einhverskonar þjóðveldi væri sennilega besta lausnin en þjóðin næði að koma sér upp úr þessu sleni. Ef einhver eða eitthvað nær að vekja hana af þessum hannaða þyrnirósarsvefni.

Guðjón E. Hreinberg 2.10.2013 kl. 01:00
Stjórnvöld Íslenska lýðveldisins hafa komist upp með að dáleiða og kúga þjóð okkar í áratugi. Reyndar lengur, því Lýðveldið sem stofnað var árið 1944 er arfleifð „Konungsríkisins Íslands“, sem aftur var arfur hálfdansks stjónarfar sem viðgekkst hér um aldir.

Það stjórnarfar kom fáeinum innlendum klíkum að kjötkötlunum og margar af þeim ættum eru þar enn. Eins og venjulega þegja fjölmiðlar um það sem stjórnvöldum er óþægt.

Nú mætti segja að fjölmiðlar hafi sagt frá mörgu síðustu fimm árin, en hver sá sem fylgist með í grasrótinni veit að hið eina sem þeir fjalla um eru brauðmolarnir sem flóa útúr og ekki er hægt að dylja.

 Þess vegna vil ég Þjóðveldi. Því miður trúir enginn á þjóðina lengur, ekki einu sinni hún sjálf, svo hún trúir ekki að hún geti endurreist lýðræði hér.

(frelsi.not.is)

Guðmundur Ásgeirsson 1.10.2013 kl. 17:24
Um leið og stjórnvöld hætta að óttast viðbrögð borgaranna þurfa borgararnir að fara að óttast aðgerðir stjórnvalda gegn sér.

Visit Us On TwitterVisit Us On FacebookVisit Us On Youtube