![\"Villi](\"http:\/\/www.vga.is\/wp-content\/uploads\/2016\/06\/VGAbros.jpg\")
<\/a>\u00c9g hef b\u00fai\u00f0 erlendis \u00ed tvo \u00e1ratugi. Sumari\u00f0 2013 vorum vi\u00f0 fj\u00f6lskyldan \u00ed sumarfr\u00edi \u00e1 \u00cdslandi. Ve\u00f0ri\u00f0 var gott, vi\u00f0 fengum h\u00fasb\u00edlinn hennar m\u00f6mmu l\u00e1na\u00f0an og keyr\u00f0um um su\u00f0urlandi\u00f0 og Borgarfj\u00f6r\u00f0inn. \u00dea\u00f0 var \u00ed lok \u00feessarar fer\u00f0ar a\u00f0 konan m\u00edn, sem er hollensk, sag\u00f0i a\u00f0 h\u00fan hef\u00f0i \u00e1huga \u00e1 a\u00f0 flytja til \u00cdslands. Vi\u00f0 r\u00e6ddum \u00feetta eftir a\u00f0 vi\u00f0 vorum aftur komin \u00fat til Hollands. H\u00fan r\u00e6ddi allskonar m\u00f6guleika, en \u00e9g dr\u00f3g lappirnar. Tala\u00f0i um spillingu, okurvexti \u00e1 h\u00fasn\u00e6\u00f0isl\u00e1num og ve\u00f0r\u00e1ttu.<\/p>\n
Samt fannst m\u00e9r \u00feetta spennandi hugmynd. H\u00fan \u00fer\u00f3a\u00f0ist og um hausti\u00f0 vorum vi\u00f0 b\u00fain a\u00f0 \u00e1kve\u00f0a a\u00f0 sko\u00f0a m\u00f6guleikana \u00e1 b\u00fasetu \u00e1 su\u00f0urlandi. Vi\u00f0 vildum ekki b\u00faa \u00ed borg, heldur b\u00faa til okkar draumaheim, draumaheimili. \u00c9g nota\u00f0i neti\u00f0 til a\u00f0 finna h\u00fas, l\u00f3\u00f0ir og hva\u00f0 sem er. Fann nokkrar l\u00f3\u00f0ir r\u00e9tt utan vi\u00f0 Selfoss. Sumari\u00f0 2014 komum vi\u00f0 aftur heim, sko\u00f0u\u00f0um l\u00f3\u00f0irnar og f\u00e9llum endanlega fyrir hugmyndinni. \u00dear sem vi\u00f0 st\u00f3\u00f0um og virtum fyrir okkur m\u00fdrina og \u00edmyndu\u00f0um okkur hvernig h\u00fasi\u00f0 myndi taka sig \u00fat, flaug ugla fram hj\u00e1 okkur og settist vi\u00f0 vegkantinn. \u00deetta var allt vo\u00f0alega lj\u00f3\u00f0r\u00e6nt og fallegt. \u00c9g haf\u00f0i \u00fe\u00e1 hanna\u00f0 h\u00fas \u00ed t\u00f6lvunni og haf\u00f0i passa\u00f0 mig \u00e1 a\u00f0 stofan sn\u00e9ri \u00ed su\u00f0ur, en Heklan v\u00e6ri s\u00fdnileg \u00fat \u00fam eldgh\u00fasgluggann. Eins og \u00fea\u00f0 var hj\u00e1 afa og \u00f6mmu \u00feegar \u00e9g var a\u00f0 alast upp.<\/p>\n
Eftir a\u00f0 hafa b\u00fai\u00f0 erlendis \u00feetta lengi, getur veri\u00f0 erfitt a\u00f0 tala um einhvern einn sta\u00f0 sem heimili manns. Heimurinn er heimili\u00f0. Engin l\u00f6nd eru alg\u00f3\u00f0 og engin eru alvond. \u00dej\u00f3\u00f0ernishyggjan hverfur vi\u00f0 a\u00f0 kynnast f\u00f3lki allssta\u00f0ar a\u00f0 \u00far heiminum. Vi\u00f0 erum \u00f6ll eins, inni vi\u00f0 beini\u00f0.<\/p>\n En ef \u00e9g \u00e1 enn r\u00e6tur einhverssta\u00f0ar, er \u00fea\u00f0 \u00e1 su\u00f0urlandinu, r\u00e9tt utan vi\u00f0 Selfoss. \u00dear sem afi og amma bjuggu \u00ed \u00ferj\u00e1 \u00e1ratugi, voru me\u00f0 k\u00fdr, kindur, hesta, h\u00e6nur, sv\u00edn og g\u00e6sir. \u00c9g \u00f3lst upp a\u00f0 t\u00f6luver\u00f0um hluta hj\u00e1 \u00feeim, me\u00f0 Hekluna \u00ed eldh\u00fasglugganum og tjarnirnar sunnan- og austan vi\u00f0 b\u00e6inn. Tjarnirnar sem vi\u00f0 syntum \u00ed og sigldum \u00e1 flekum langt fram \u00e1 kv\u00f6ld. \u00c9g f\u00f3r \u00ed tvo heimavistarsk\u00f3la, \u00e1 Laugarvatni og Sk\u00f3gum. A\u00f0 koma \u00ed Me\u00f0allandi\u00f0, \u00fear sem afi f\u00e6ddist og \u00f3lst upp, var alltaf \u00e6vint\u00fdri. Og heimurinn sem langafi og amma bjuggu til \u00ed Hverager\u00f0i var heillandi.<\/p>\n \u00der\u00e1tt fyrir a\u00f0 hafa veri\u00f0 \u00ed burtu \u00ed allan \u00feennan t\u00edma, \u00e1 \u00e9g heima \u00e1 su\u00f0urlandinu. \u00cd hvert sinn sem \u00e9g heims\u00e6ki landshlutann, finnst m\u00e9r \u00e9g vera kominn heim.<\/p>\n Og n\u00fa hefur stefnan veri\u00f0 sett \u00e1 heimf\u00f6r. Ekki \u00ed fr\u00ed, heldur til a\u00f0 b\u00faa.<\/p>\n \u00dea\u00f0 ver\u00f0ur \u00fe\u00f3 a\u00f0 segjast a\u00f0 efasemdirnar um samf\u00e9lagi\u00f0, og \u00fe\u00e1 \u00e1 \u00e9g vi\u00f0 stj\u00f3rns\u00fdsluna, eru enn til sta\u00f0ar. \u00c1 me\u00f0an \u00e9g grei\u00f0i 2% \u00ed vexti af h\u00fasn\u00e6\u00f0isl\u00e1ninu h\u00e9r \u00ed Hollandi, mun \u00e9g sennilega \u00feurfa a\u00f0 grei\u00f0a fj\u00f3rfalt \u00fea\u00f0 \u00e1 \u00cdslandi. \u00dea\u00f0 er ekkert \u00f3v\u00edst a\u00f0 flutningurinn heim muni koma okkur \u00ed fj\u00e1rhagsvandr\u00e6\u00f0i, sem eru miki\u00f0 til \u00f3\u00fearfa \u00e1hyggjur \u00ed Hollandi. Forsendubrestir og kreppur eru hlutir sem vi\u00f0 \u00feurfum a\u00f0 gera r\u00e1\u00f0 fyrir. R\u00e1\u00f0amenn sem axla ekki \u00e1byrg\u00f0. Eins fallegt og landi\u00f0 er, eins sterkar og r\u00e6turnar eru, eins miki\u00f0 og \u00e9g vir\u00f0i f\u00f3lki\u00f0 sem byggir landi\u00f0, er stj\u00f3rns\u00fdslan og efsta lagi\u00f0 ekki \u00ed takti vi\u00f0 \u00fea\u00f0 sem gerist \u00ed vestr\u00e6num l\u00f6ndum.<\/p>\n \u00dea\u00f0 var a\u00f0 hluta til \u00feess vegna sem \u00e9g m\u00e6tti \u00e1 fund P\u00edrata \u00ed \u00c1rborg s\u00ed\u00f0asta haust og \u00e1 a\u00f0alfund flokksins \u00ed j\u00fan\u00ed. Ef \u00e9g var a\u00f0 fara a\u00f0 flytja heim, vildi \u00e9g gera allt sem \u00e9g g\u00e6ti til a\u00f0 laga samf\u00e9lagi\u00f0 og gera stj\u00f3rns\u00fdsluna eins a\u00f0la\u00f0andi og landi\u00f0 og f\u00f3lki\u00f0 sem \u00ed \u00fev\u00ed b\u00fdr. \u00c9g hef veri\u00f0 virkur \u00ed vinnuferlinu undanfarna m\u00e1nu\u00f0i og teki\u00f0 \u00fe\u00e1tt \u00ed undirb\u00faningi stofnunar P\u00edrata \u00ed Su\u00f0urkj\u00f6rd\u00e6mi.<\/p>\n M\u00ednar \u00e1herslur eru eftirfarandi:<\/p>\n N\u00fd stj\u00f3rnarskr\u00e1.<\/strong>\u00a0\u00c1ri\u00f0 2011 lag\u00f0i stj\u00f3rnlagar\u00e1\u00f0 fram frumvarp um n\u00fdja stj\u00f3rnarskr\u00e1. H\u00fan var svo sam\u00feykkt \u00ed \u00fej\u00f3\u00f0aratkv\u00e6\u00f0agrei\u00f0slu \u00e1ri\u00f0 eftir. H\u00fan tekur fyrir margt af \u00fev\u00ed sem er a\u00f0 \u00ed samf\u00e9laginu. H\u00fan festir n\u00e1tt\u00faruau\u00f0lindir \u00ed eigu \u00fej\u00f3\u00f0arinnar allrar og b\u00e6tir vinnureglur stj\u00f3rnkerfisins. H\u00fan er grunnurinn a\u00f0 endurreisn l\u00fd\u00f0r\u00e6\u00f0is \u00ed landinu.<\/em><\/p>\n Unga f\u00f3lki\u00f0<\/strong>\u00a0\u00e1 \u00cdslandi dregst aftur \u00far \u00ed tekjum, en k\u00fds ekki. \u00dea\u00f0 er sorglegt a\u00f0 sj\u00e1 unga f\u00f3lki\u00f0 festast \u00ed skuldafeni \u00e1n \u00feess a\u00f0 \u00fea\u00f0 geti nokku\u00f0 gert. Sorglegra er a\u00f0 sj\u00e1 \u00e1hugaleysi \u00feessa \u00fej\u00f3\u00f0f\u00e9lagsh\u00f3ps um stj\u00f3rnm\u00e1l. F\u00f3lk hefur ekki tr\u00fa \u00e1 stj\u00f3rnkerfinu og telur sig ekki geta haft \u00e1hrif. \u00dea\u00f0 er bara eitt atkv\u00e6\u00f0i \u00ed hafsj\u00f3 atkv\u00e6\u00f0a. En \u00feetta er ekki alveg svona. \u00dea\u00f0 muna\u00f0i til d\u00e6mis sex atkv\u00e6\u00f0um a\u00f0 P\u00edratar k\u00e6mu manni inn \u00ed Hafnarfir\u00f0i \u00ed s\u00ed\u00f0ustu kosningum. Sex atkv\u00e6\u00f0um. \u00dear fyrir utan er \u00e1kvar\u00f0anaferli P\u00edrata opi\u00f0 og allir geta teki\u00f0 \u00fe\u00e1tt. Unga f\u00f3lki\u00f0 mun lifa me\u00f0 \u00e1kv\u00f6r\u00f0unum sem teknar eru \u00ed stj\u00f3rns\u00fdslunni, og \u00fea\u00f0 er sorglegt a\u00f0 sj\u00e1 eldra f\u00f3lk sem fast er \u00ed g\u00f6mlum hugmyndum, skotgr\u00f6fum oft \u00e1 t\u00ed\u00f0um, \u00e1kve\u00f0a hvar tv\u00edtugt f\u00f3lk \u00ed dag ver\u00f0ur um fertugt. Vi\u00f0 \u00feurfum\u00a0a\u00f0 virkja ungt f\u00f3lk, svo \u00fea\u00f0 taki m\u00e1lin \u00ed s\u00ednar hendur og hafi \u00e1hrif \u00e1 eigin framt\u00ed\u00f0.<\/em><\/p>\n Beint fr\u00e1 b\u00fdli<\/strong>\u00a0er hugmynd sem \u00e9g hef mikinn \u00e1huga \u00e1. B\u00e6ndur hafa\u00a0margir gaman af a\u00f0 skapa og b\u00faa til. \u00c9g man a\u00f0 afi bj\u00f3 til sitt eigi\u00f0 smj\u00f6r og skyr, sl\u00e1tra\u00f0i heima og framleiddi pylsur og bj\u00fagu. Hann m\u00e1tti au\u00f0vita\u00f0 ekki selja \u00feessar afur\u00f0ir, en \u00feetta var lost\u00e6ti sem fj\u00f6lskyldan naut. \u00c9g hef\u00f0i gaman a\u00f0 \u00fev\u00ed a\u00f0 sj\u00e1 b\u00e6ndur fullvinna v\u00f6rur og selja \u00e1 b\u00e6ndam\u00f6rku\u00f0um \u00ed kj\u00f6rd\u00e6minu. Hva\u00f0 er betra en a\u00f0 sko\u00f0a \u00fea\u00f0 sem er \u00ed bo\u00f0i og smakka osta framleidda \u00ed Fl\u00f3anum, l\u00fap\u00ednuborgara framleidda \u00e1 Rang\u00e1rv\u00f6llum, \u00eds fr\u00e1 Hverager\u00f0i, kart\u00f6flusal\u00f6t \u00far \u00deykkvab\u00e6 og matarol\u00edu framleidda \u00ed Me\u00f0allandinu? B\u00e6ndur eiga a\u00f0 geta fengi\u00f0 \u00fatr\u00e1s fyrir sk\u00f6punarg\u00e1funa og neytendur eiga a\u00f0 geta haft meira \u00farval. Mi\u00f0st\u00fdring landb\u00fana\u00f0arins er barn s\u00edns t\u00edma. H\u00e9r \u00ed Hollandi get \u00e9g fari\u00f0 \u00e1 b\u00e6ndamarka\u00f0i og keypt allskonar osta sem framleiddir eru a\u00f0 b\u00e6ndunum \u00ed h\u00e9ra\u00f0inu. \u00c9g vil geta gert \u00fea\u00f0 sama \u00e1 \u00cdslandi. Ekki allt \u00fearf a\u00f0 fara \u00ed gegn um MS e\u00f0a \u00e1l\u00edka apparat.<\/em><\/p>\n Umhverfisv\u00e6n n\u00fdting landsins og au\u00f0\u00e6vanna.<\/strong>\u00a0\u00dev\u00ed mi\u00f0ur er \u00fea\u00f0 \u00feannig a\u00f0 landi\u00f0 vir\u00f0ist vera einskis vert nema \u00fev\u00ed s\u00e9 komi\u00f0 \u00ed ver\u00f0. Og oft sj\u00e1um ekkert ver\u00f0gildi nema framkv\u00e6mdir sem hafa umhverfisspj\u00f6ll \u00ed f\u00f6r me\u00f0 s\u00e9r s\u00e9u framin. Vi\u00f0 h\u00f6fum virkja\u00f0 \u00e1r og v\u00f6tn, og getum ekki h\u00e6tt. \u00cdsland framlei\u00f0ir meiri raforku en nokkurt anna\u00f0 land \u00ed heiminum mi\u00f0a\u00f0 vi\u00f0 h\u00f6f\u00f0at\u00f6lu, en \u00fe\u00f3 \u00e1 a\u00f0 virkja meira. Su\u00f0urlandi\u00f0 hefur upp \u00e1 svo margt anna\u00f0 a\u00f0 bj\u00f3\u00f0a. \u00cdsland er hreint land og tilt\u00f6lulega \u00f3menga\u00f0 og b\u00e6ndur geta n\u00fdtt s\u00e9r \u00fea\u00f0 me\u00f0 \u00fev\u00ed a\u00f0 n\u00fdta umhverfisv\u00e6na t\u00e6kni og marka\u00f0ssetja sig \u00e1 \u00feeim forsendum. Vi\u00f0 \u00feurfum a\u00f0 vernda n\u00e1tt\u00faruperlur gegn \u00e1tro\u00f0ningi fer\u00f0amanna, ekki me\u00f0 \u00fev\u00ed a\u00f0 takmarka \u00e1gang, heldur me\u00f0 \u00fev\u00ed a\u00f0 st\u00fdra honum, byggja g\u00f6ngust\u00edga og a\u00f0st\u00f6\u00f0u. N\u00fdlega birtist grein eftir mig \u00ed Dagskr\u00e1nni \u00fear sem \u00e9g r\u00e6ddi mennta- og fr\u00e6\u00f0asetur \u00e1 Eyrarbakka. Su\u00f0urland hefur upp \u00e1 svo margt a\u00f0 bj\u00f3\u00f0a og \u00fea\u00f0 er okkar a\u00f0 n\u00fdta t\u00e6kif\u00e6rin, og gera \u00fea\u00f0 vel. \u00cd kj\u00f6rd\u00e6minu eru nokkrar g\u00f3\u00f0ar hafnir og vi\u00f0 \u00feurfum a\u00f0 sj\u00e1 til, me\u00f0 hj\u00e1lp n\u00fdju stj\u00f3rnarskr\u00e1rinnar, a\u00f0 \u00fe\u00e6r hafi n\u00f3g a\u00f0 gera. A\u00f0 mi\u00f0in \u00fat af h\u00f6fnunum s\u00e9u \u00feeirra og a\u00f0 b\u00e6jarf\u00e9l\u00f6gin geti n\u00fdtt s\u00edn n\u00e1tt\u00faruau\u00f0\u00e6vi.<\/em><\/p>\n Samg\u00f6ngum\u00e1l.<\/strong>\u00a0\u00dea\u00f0 er langt s\u00ed\u00f0an malarvegurinn yfir hei\u00f0ina var malbika\u00f0ur. \u00de\u00f3 eru enn margir vegir sem m\u00e1 b\u00e6ta. \u00cd su\u00f0urkj\u00f6rd\u00e6mi eru tv\u00f6 samg\u00f6nguverkefni sem \u00fearf a\u00f0 sko\u00f0a s\u00e9rstaklega. Lest, e\u00f0a \u00e1l\u00edka samg\u00f6ngut\u00e6ki milli Reykjav\u00edkur og Keflav\u00edkur. Lestir eru d\u00fdrar og vi\u00f0 ver\u00f0um a\u00f0 sko\u00f0a \u00fea\u00f0 d\u00e6mi vel og vanda okkur. H\u00f6fum vi\u00f0 efni \u00e1 verkefninu, og hentar lest \u00edslenskum a\u00f0st\u00e6\u00f0um? Og Landeyjah\u00f6fnin. Er h\u00fan besta lausnin fyrir Vestmannaeyjar? Siglingin er t\u00f6luvert styttri en s\u00fa gamla, \u00fer\u00edr t\u00edmar \u00ed \u00deorl\u00e1ksh\u00f6fn. En Landeyjah\u00f6fn fyllist af sandi og er gr\u00ed\u00f0arlega d\u00fdr \u00ed rekstri. \u00c9g myndi vilja sj\u00e1 hlutlausan vinnuh\u00f3p sko\u00f0a allar m\u00f6gulegar hugmyndir, svo h\u00e6gt ver\u00f0i a\u00f0 tengja Eyjar vi\u00f0 meginlandi\u00f0 \u00e1 \u00f6ruggan og \u00f3d\u00fdran h\u00e1tt.<\/em><\/p>\n Heilbrig\u00f0ism\u00e1lin<\/strong>\u00a0eru endalaust \u00fer\u00e6tuepli. N\u00fdlega kom fram a\u00f0 \u00fea\u00f0 kosti um 6-7 milljar\u00f0a a\u00f0 bj\u00f3\u00f0a upp \u00e1 gjaldfrj\u00e1lst heilbrig\u00f0iskerfi \u00e1 \u00cdslandi. \u00deetta er ekki h\u00e1 upph\u00e6\u00f0 \u00ed st\u00f3ra samhenginu, og okkur ber a\u00f0 reyna a\u00f0 finna lei\u00f0 til a\u00f0 koma \u00feessu \u00ed framkv\u00e6md. Einnig er \u00e9g \u00e1 \u00fev\u00ed a\u00f0 fj\u00f3r\u00f0ungssj\u00fakrah\u00fas eigi a\u00f0 vera \u00f6flug og geta sinnt \u00f6llum helstu\u00a0br\u00e1\u00f0atilfellum. A\u00f0eins meirih\u00e1ttar a\u00f0ger\u00f0ir og eftirme\u00f0fer\u00f0ir megi vera \u00e1st\u00e6\u00f0a til a\u00f0 senda f\u00f3lk til Reykjav\u00edkur. \u00dea\u00f0 er gali\u00f0 a\u00f0 senda f\u00f3lk \u00ed l\u00edfsh\u00e6ttu \u00ed flugfer\u00f0 af \u00fev\u00ed \u00fea\u00f0 er engin almennileg br\u00e1\u00f0am\u00f3ttaka utan h\u00f6fu\u00f0borgarsv\u00e6\u00f0isins.<\/em><\/p>\n B\u00f3takerfi\u00f0<\/strong>\u00a0er \u00f3n\u00fdtt og \u00fearf algera endursko\u00f0un. \u00d6ryrkjum\u00a0er refsa\u00f0 fyrir a\u00f0 vinna me\u00f0 b\u00f3tunum. \u00d6ryrki er stimpill sem skemmir sj\u00e1lfstraust og stofufangelsi sem kemur \u00ed veg fyrir a\u00f0 f\u00f3lk komist aftur \u00e1 vinnumarka\u00f0inn. Borgaralaun myndu leysa \u00feetta vandam\u00e1l, \u00fear sem allir f\u00e1 laun \u00e1n stimplanna sem n\u00faverandi b\u00e6tur hafa \u00ed f\u00f6r me\u00f0 s\u00e9r. \u00dea\u00f0 kerfi yr\u00f0i \u00fe\u00f3 alger bylting og g\u00e6ti veri\u00f0 erfitt og d\u00fdrt a\u00f0 koma \u00ed framkv\u00e6md. Neikv\u00e6\u00f0ir tekjuskattar g\u00e6tu leyst \u00feetta vandam\u00e1l, \u00fear sem f\u00f3lk sem ekki n\u00e6r sam\u00feykktum l\u00e1gmarkslaunum, fengi endurgreitt \u00far r\u00edkissj\u00f3\u00f0i. \u00deetta g\u00e6ti komi\u00f0 \u00ed sta\u00f0inn fyrir allar b\u00e6tur, gert \u00fea\u00f0 kerfi t\u00f6luvert l\u00e9ttara\u00a0og \u00f3d\u00fdrara, losa\u00f0 f\u00f3lk vi\u00f0 \u00f6ryrkjastimpilinn og gert \u00fev\u00ed kleyft a\u00f0 koma s\u00e9r sm\u00e1m saman inn \u00e1 vinnumarka\u00f0inn ef \u00fea\u00f0 hefur getu til.<\/em><\/p>\n Spillingin<\/strong>\u00a0er a\u00f0 ganga af \u00edslensku samf\u00e9lagi dau\u00f0u. \u00dea\u00f0 eru til n\u00e6gir peningar \u00ed n\u00e1nast allt sem vi\u00f0 \u00feurfum a\u00f0 gera, en \u00feeir leka \u00far okkar sameiginlega sj\u00f3\u00f0um \u00ed vasa f\u00f3lks sem \u00feekkir\u00a0r\u00e9tta f\u00f3lki\u00f0. \u00c9g fermdist \u00ed Selfosskirkju \u00ed ma\u00ed 1983 og Sigur\u00f0ur prestur (s\u00ed\u00f0ar biskup \u00ed Sk\u00e1lholti) tala\u00f0i um \u00ed predikuninni a\u00f0 eina lei\u00f0in til a\u00f0 gera eitthva\u00f0 \u00e1 \u00cdslandi v\u00e6ri a\u00f0 \u00feekkja mann sem \u00feekkti mann. Mig minnir a\u00f0 hann hafi sett \u00feetta \u00ed samhengi vi\u00f0 14 \u00e1ra krakkana sem s\u00e1tu \u00e1 bekknum og yr\u00f0u a\u00f0 b\u00faa sig undir a\u00f0 lifa \u00ed \u00feessum heimi vinagrei\u00f0anna. Ekkert hefur breyst \u00e1 \u00feeim 33 \u00e1rum sem li\u00f0in eru, nema a\u00f0 n\u00fa sj\u00e1um vi\u00f0 spillinguna. H\u00fan hefur floti\u00f0 upp \u00e1 yfirbor\u00f0i\u00f0. Er ekki kominn t\u00edmi til a\u00f0 vi\u00f0 hreinsum til svo vi\u00f0 getum \u00f6ll haft eitthva\u00f0 a\u00f0 segja og lifa\u00f0 s\u00f3masamlegu l\u00edfi \u00ed \u00feessu landi?<\/em><\/p>\n J\u00e1kv\u00e6\u00f0ni<\/strong>\u00a0er l\u00edfsnau\u00f0synleg \u00ed heilbrig\u00f0u samf\u00e9lagi. Eftir 26 \u00e1r ver\u00f0ur l\u00fd\u00f0veldi\u00f0 100 \u00e1ra. Hvernig samf\u00e9lagi viljum vi\u00f0 b\u00faa \u00ed \u00e1 \u00feeim t\u00edmam\u00f3tum? Viljum vi\u00f0 festast \u00ed skotgrafaherna\u00f0i og karpi, viljum vi\u00f0 a\u00f0 \u00f3j\u00f6fnu\u00f0ur aukist og a\u00f0 reglufargan geri f\u00f3lki n\u00e6r \u00f3m\u00f6gulegt a\u00f0 skapa s\u00e9r atvinnu, e\u00f0a viljum vi\u00f0 j\u00e1kv\u00e6tt samf\u00e9lag \u00fear sem vi\u00f0 vinnum saman a\u00f0 \u00fev\u00ed a\u00f0 gera \u00cdsland a\u00f0 \u00fev\u00ed draumalandi sem \u00fea\u00f0 getur or\u00f0i\u00f0? Vi\u00f0 finnum j\u00e1kv\u00e6\u00f0nina ekki me\u00f0 \u00fev\u00ed a\u00f0 stinga hausunum \u00ed svarta sandinn, heldur me\u00f0 \u00fev\u00ed a\u00f0 r\u00fdna \u00ed vandam\u00e1lin og finna lausnir vi\u00f0 \u00feeim. Vi\u00f0 \u00feurfum ekki a\u00f0 vera samm\u00e1la um neitt anna\u00f0 en a\u00f0 vi\u00f0 viljum vinna saman. Vi\u00f0 vitum hva\u00f0 gerist ef vi\u00f0 gerum \u00fea\u00f0 ekki.<\/em><\/p>\n \u00c9g er ekki a\u00f0 flytja heim til a\u00f0 fara \u00ed stj\u00f3rnm\u00e1l. \u00c9g hef aldrei s\u00e9\u00f0 mig sem stj\u00f3rnm\u00e1lamann og mun sennilega aldrei gera. \u00c9g er a\u00f0 fara \u00ed stj\u00f3rnm\u00e1l til a\u00f0 hj\u00e1lpa til vi\u00f0 a\u00f0 skapa samf\u00e9lag sem gott er a\u00f0 b\u00faa \u00ed. Samf\u00e9lag \u00fear sem allir skipta m\u00e1li, allir hafa t\u00e6kif\u00e6ri til a\u00f0 hafa \u00e1hrif, samf\u00e9lag sem stimplar f\u00f3lk ekki eftir getu e\u00f0a fj\u00e1rhag. Samf\u00e9lag sem hvetur f\u00f3lk til a\u00f0 vera skapandi og gera \u00fea\u00f0 sem \u00fea\u00f0 er gott \u00ed. Samf\u00e9lag sem er opi\u00f0 og jafn hreint og fallegt og landi\u00f0 sem \u00fea\u00f0 h\u00fdsir. Samf\u00e9lag sem afi hef\u00f0i veri\u00f0 stoltur af og unga f\u00f3lki\u00f0 getur bl\u00f3mstra\u00f0 \u00ed.<\/p>\n Eina afli\u00f0 sem getur komi\u00f0 \u00feessu til lei\u00f0ar eru P\u00edratar. \u00deess vegna er \u00e9g a\u00f0 fara \u00ed stj\u00f3rnm\u00e1l, og \u00feess vegna valdi \u00e9g P\u00edrata.<\/p>\n \u00dea\u00f0 s\u00e9st kannski \u00e1 \u00feessum pistli a\u00f0 \u00e9g er ekki miki\u00f0 fyrir a\u00f0 tala um sj\u00e1lfan mig. M\u00e9r finnst \u00e9g ekki skipta mestu m\u00e1li \u00ed samhengi frambo\u00f0sins, heldur hugmyndirnar og m\u00e1lin sem \u00e9g stend fyrir. \u00c9g mun \u00fe\u00f3 setja inn pistil flj\u00f3tlega \u00fear sem \u00e9g tala um mig og \u00fea\u00f0 sem \u00e9g hef gert. \u00dea\u00f0 \u00fearf v\u00edst a\u00f0 fylgja. En munum a\u00f0 \u00feetta sn\u00fdst ekki um eitthvert okkar, heldur okkur \u00f6ll.<\/p>\n \u00c9g er opinn fyrir gagnr\u00fdni og hugmyndum. Hver sem er getur haft samband vi\u00f0 mig \u00ed t\u00f6lvup\u00f3sti, \u00e1 Facebook og vi\u00f0 getum r\u00e6tt m\u00e1lin \u00e1 Skype. Svo hlakka \u00e9g til a\u00f0 hitta f\u00f3lk augliti til auglitis \u00feegar \u00fear a\u00f0 kemur.<\/p>\n Sj\u00e1umst \u00ed haust.<\/p>\n H\u00e6gt er a\u00f0 hafa samband \u00ed t\u00f6lvup\u00f3sti vga[hj\u00e1]vga.is, \u00e1 Facebook (https:\/\/www.facebook.com\/VGAsgeirs\/<\/a>) e\u00f0a Skype (vgasgeirs). Endilega sendi\u00f0 skilabo\u00f0 e\u00f0a p\u00f3st \u00e1\u00f0ur en Skype er reynt, \u00fear sem \u00e9g get veri\u00f0 a\u00f0 vinna e\u00f0a fjarverandi.<\/em><\/p>\n H\u00e6gt er a\u00f0 skr\u00e1 sig \u00ed P\u00edrata\u00a0h\u00e9r<\/a>. \u00dea\u00f0 kostar ekkert.<\/em><\/p>\n\t<\/a><\/a>